Durante cinco días, do 3 ao 7 de xuño, e coincidindo coa festividade do
Corpus Christi, terá lugar a Festa da Coca en Redondela.
Unha lenda asegura que, moi preto de Redondela, vivía un dragón que cada certo
tempo se achegaba á vila para apresar e levar á súa cova a unha meniña. Cansos,
os xoves mariñeiros decidiron encararse co monstro e pelexaron ata vencelo e
liberar ás cautivas. Despois, para
celebrar a victoria danzaron coas súas espadas arredor del.
Para rememorar o mito, durante a festividade do Corpus e desde o século
XVI, na procesión polas rúas engalanadas con alfombras florais creadas durante
a noite anterior polos veciños de Redondela, participa a figura da Coca, dragón
procesional que representa o negativo deste mundo, acompañado polos Danzantes
de Espadas e das Penlas para escenificar a victoria sobre o dragón. Estas
últimas levan por riba dos seus ombreiros rapazas pequenas para formar un único
conxunto coreográfico cos Danzantes das Espadas co obxectivo de escenificar a alegría
das nais pola morte do dragón a liberación das súas fillas.
Espectáculos, concertos, exhibicións ou representacións onde se recrea a lenda da Coca forman parte dun amplo programa festivo.
FONTE: http://www.turgalicia.es/portada?langId=es_ES e http://www.redondela-server.net/
