Mostrando entradas con la etiqueta galeóns de Rande. Mostrar todas las entradas
Mostrando entradas con la etiqueta galeóns de Rande. Mostrar todas las entradas

Redondela, unha vila de historia, natureza e tradicións

No interior da Ría de Vigo atópase o municipio de Redondela, tamén coñecido como a "vila dos viadutos", xa que son estas construcións (Pedro Floriani e o viaduto de Pontevedra, catalogados como bens de interese cultural) as que marcan a súa fisionomía.

O carácter costeiro de Redondela propiciou ao longo da súa historia continuos ataques dende o mar protagonizados por piratas e frotas de diversos países, entre os que destaca a máis que coñecida Batalla de Rande do ano 1702.

Gracias ao seu privilexiado ámbito natural, o municipio constitúe un lugar ideal para gozar tanto dos praceres do mar coma da montaña. Conta con dous areais destacados, a praia de Cesantes e Arealonga. A emblemática illa de San Simón, antigo lazareto e cárcere franquista, pode coñecerse mediante visitas guiadas.

Internándose no municipio áchanse dous percorridos importantes: a Ruta dás Pedras e a Ruta dá Auga. Esta última constitúe un miradoiro excepcional sobre a ría de Vigo. Outra ruta relevante é Maceiriña, que discorre por Monte Penide. Este enclave alberga restos prehistóricos -dolmens e petroglifos- que datan do Neolítico. Considérase unha das necrópoles máis importantes de Galicia e entre os seus depósitos destaca a "Mámoa do Rei". Dada a súa altitude, 329 metros, Monte da Peneda supón outro balcón redondelano sobre a ría de Vigo.

No espazo que ocupaba a antiga conservera Boyé, tamén coñecida como "fábrica do alemán", a beiras da Enseada de San Simón, sitúase o centro de interpretación da Batalla de Rande, denominado Meirande. A entrada é gratuíta e mensualmente realízanse visitas teatralizadas.

No tocante a ocio e festa do municipio, o rico calendario festivo e cultural de Redondela é outro dos seus atractivos. Destacan o festival nacional de curtametraxes Redondela en curto, a Festa dos Maios, Redondela Danza, a Festa Gastronómica do Choco, o Festival Internacional de Monicreques, a Festa da Coca, durante a cal o día de Corpus Christi teñen lugar as tradicionais danzas das espadas e das penlas, e o popular Entroido de Verán, un evento de grande acollida entre o público.





Fonte: Faro de Vigo


Os galeóns de Rande

mércores, 4 de decembro de 2013

O 15 de outubro de 1702 entrou na ría de Vigo o cargamento máis rico traído de América dende o descubrimento. Dezanove galeóns españois, escoltados por vinte e tres barcos de guerra franceses, portaban cento oito millóns de pezas de prata, ouro e outras mercadorías preciosas destinadas a custear a Guerra de Sucesión en favor de Felipe V. Retrasos burocráticos permitiron a chegada dunha frota de piratas anglo-holandeses que, tras feroz batalla, se levaron uns corenta millóns de pezas. O resto permanece, hoxe, no fondo da ría viguesa...






Fonte: www.revistaiberica.com; vigo al minuto (www.youtube.com)